RUMEKSA
Dening Eva Fiddiana
Endahing candhik ayu sing katon
kemuning iku
Ra bisa dak lalekake nalika aku
lungguh ing plataran ngarep omahku
Nadyan sing dak enteni katon
rangu-rangu
Aku ora gela kadya lagune 'Suwe Ora
Jamu'
Kemuning, sore-sore dak enteni
angslupe srengenge
Untara sawetawis uga adoh parane
Samya lumaku sinawang lir kencana
saroja
Usada ngrangu ing sajroning nala
Manda lumaku angslupe sang surya
Ancasku agawe suka rena
Amrih nora gawe kuciwa
Srengenge kang angslup dak enteni
saben dina
Tumawa rasa kangen saka rina
Udan angin tetep dak tunggu
Tanpa sesilih katresnanku
Ismaya kasimpen jroning kalbu
